Акмат Бакиевдин качышы боюнча кылмыш иши козголду

Бул тууралуу “Азаттыкка” Башкы прокуратуранын басма сөз кызматынан кабарлашты. Маалыматка ылайык, бул окуя боюнча Жаза аткаруу кызматынын айрым кызматкерлерине да кылмыш иши ачылды. Мурдагы президент Курманбек Бакиевдин бир тууганы Акматбек Бакиев 3-мартта жеке ооруканадан качып кеткен.

2010-жылдагы окуялар боюнча айыпталып, 7 жылга эркинен ажыратылган Бакиев ушул жылдын башында жатак абагына чыгарылган. Көп өтпөй ден-соолугуна байланыштуу ооруканага жаткырылган болчу. (KKs)