Экономикасы тез өнүгүп бараткан БРИК өлкөлөрүнүн лидерлери Жаңы Делиге жыйынга келишүүдө. БРИКке Бразилия, Орусия, Индия, Кытай жана Түштүк Африка мүчө. Беш өлкөдө дүйнө калкынын 43 проценти жашайт жана бул өлкөлөр дүйнөлүк дүң продукциянын 22 процентин өндүрөт. Эртең Жаңы Делиде ачылчу жыйында Батыш үстөмдүк кылган Дүйнөлүк банк жана Эл аралык валюта фондуна атаандаш орток банк түзүү маселеси талкууланат. Бүгүн Жаңы Делиде уюмга мүчө өлкөлөрдүн соода министрлери кездешти.
