“Ак тилек” өтмө бекети 15-майда ачылат

Бул тууралуу “Азаттыкка” “Ак жол” чек ара көзөмөл бөлүмүнүн башчысы Абдыш Дүйшеев кабарлады. Анын айтымында, кечээ 7-майда эки тарап тең “Ак тилек” өтмө бекетинен айрым унааларды өткөрүп, техникалык жагын текшерип көрүштү. Чек ара бекети 15-майда эки тараптуу ачылаары белгиленди.

Расмий Астана 2010-жылы Кыргызстандагы коогалуу окуялардан кийин кыргыз тараптагы чек арасын жаап, алты өтмө бекетин бекитип алган. Азыр Чүйдөгү “Ак жол” менен “Чалдабар” бекеттери гана ачык турат. (КЕ)