Евроаймактын келечеги бүгүн Брюсселде башталып жаткан эки күндүк евросаммиттин күн тартибиндеги башкы маселе болмокчу. Сүйлөшүүдө евроаймакка кирген өлкөлөрдүн карыздарын чогултуп, бирдиктүү евроакция чыгаруу маселеси кабыргасынан турат. Аналитиктердин айтымында, мындай акция карыз алуунун чыгымдарын төмөндөтмөк. Франциянын президенти Франсуа Олланд бул сунушка колдоо билдирген, бирок Германиянын канцлери Ангела Меркел ага караманча каршы болуп жатат.
