Адамдарга кол салып, изин жашырып кетип жүргөн маймыл Флориданын түштүктөгү Сейнт Питерзбург шаарында сыртта отурган аялды далысынан бурдап тиштеп, дароо качып кетти. Айбанаттарды кармоочу адис аны таба алган жок. Жергиликтүү бийликтер тургундарды маймылды көрсөңөр тамак бербегиле деп эскертти. Бийликтер бул маймыл штаттагы маймылдар жашаган ареалда өзү тектүүлөрдөн качып кеткен деп болжолдошууда. Бул сырдуу маймылдын азыр фейсбукта өз баракчасы бар. Анда анын сүрөтүнүн алдында «Мага жалган жалаа жаап жатышат» деген жазуу турат.
