Мөөнөтүнөн мурда добуш берүү жүрүүдө

25-ноябрда өтүүчү жергиликтүү кеңештерге шайлоого мөнөтүнөн мурда добуш берүү башталды.

“Жергиликтүү кеңештерди шайлоо жөнүндөгү” мыйзамга ылайык, шайлоо күнү өзү катталган аймакта болуп, добуш бере албай турган адамдар кечээтен бери мөөнөтүнөн мурда добуш беришүүдө. Добуш берүү шайлоо күнүнө тогуз күн калганда башталып, бир күн калганда токтотулат.  

Кыргызстанда жергиликтүү кеңештерге шайлоо 25-ноябрга белгиленген. Ал Кыргызстандын 25 шаарында жана 416 айылдык округунда өтөт. (ZB)