Кыргызстанда эң көп пенсиянын өлчөмү 96 миң сомду түзөт

Бул тууралуу Социалдык фонддун төрагасы Мукамбеткалый Абылгазиев Жогорку Кеңеште билдирди.

Анын айтымында, 96 миң сом алган бир гана пенсионер бар. Ал эми 70 миң сомдун тегерегинде пенсия алган бир нече адам бар. Булар мамлекетке сиңирген өзгөчө эмгеги үчүн жана камсыздандыруу төлөмдөрүн көп өлчөмдө төлөгөнү үчүн мындай өлчөмдө пенсия алышат.

Абылгазиевдин айтымында, Кыргызстанда пенсиянын эң аз өлчөмү 1500 сомду түзөт. (BkA)