Обама Ооганстандагы америкалык аскерлер коопсуздук милдеттерин оогандарга өткөрүп берүүнү тездетип жаткандыгын билдирди. АКШнын президенти Барак Обама америкалык куралдуу күчтөр коопсуздукту камсыздоо жаатындагы милдеттенмелерин ооган кесиптештерине өткөрүп берүүнү тездетип жаткандыгын жарыялады. Обама АКШ аскерлери ооган армиясына жардам берүү иштерин мурдатан пландалгандан эртелеп, жаз айларында өткөрүп берээрин бышыктады. Буга чейин АКШнын армиясы согуштук аракеттерден жай мезгилинде баш тарта баштайт деп болжолдонгон эле.
