Жалал-Абад облустук прокуратурасынын тергөө бөлүмү 13-июлда Аксы райондук ички иштер бөлүмүндө болгон окуяны териштирүүдө. Прокуратуранын маалыматына караганда, бул күнү түшкө маал майда бейбаштык жасаган деген шек менен райондун Жерге-Тал айылынын тургуну И.Н. аттуу жаран кармалып, убактылуу кармоочу жайга камалган. Бирок нөөмөтчүлөрдүн жоопкерчиликсиздигинен кармалган адам өз жанына кол салган. Асынып өлгөн бул жарандын сөөгү 14-июлда таңга жуук камерадан табылган.(YA/RK)
