Кыргызстанда жайыттар боюнча электрондук карта түзүлөт. Бул тууралуу Айыл чарба жана мелиорация министрлигинин өкүлү Ирэна Байтанаева билдирди. Анын айтымында, учурда атайын лаборатория ачылып иштеп жатат. Анда баардык маалымат жалпыланып, келечекте карта түзүлөт. Бул карта малын жайып чыккан малчылар ортосунда жайыттын чегине байланыштуу талаш-тартыштарды болтурбоого жардам берет. Лаборатория кымбат баалуу заманбап техника менен жабдылган. Электрондук карта "Кыргызстандын жайлоосу" деп аталмакчы. (RK)
