Разак: Жоголгон учактын сапары океанда аяктаган

Малайзиянын премьер-министри Нажиб Разак 8-марттан бери дайынсыз учак "өз сапарын Индия мухитинин түштүгүндө аяктаган" деп авиалайнердеги адамдардын үй-бүлөлөрүнө билдирди.

Куала-Лумпурдан Бээжиңге учуп чыккан учак үч жумадан бери дайынсыз болчу. Боинг-777 үлгүсүндөгү самолётто 239 адам болгон. Австралияга караштуу сууда жоголгон учактыкы болушу мүмкүн делген бир нече майда калдыктар табылды.