Жалал-Абадда бүгүн чогула турган эксперттер кыргыз-өзбек чек арасындагы аныкталган тилкелер боюнча келишимдин долбоорун карашат. Бул тууралуу чек араны делимитациялоо боюнча өкмөттүн атайын өкүлү Курбанбай Искандаров “Азаттыкка” билдирди. Маалыматка караганда, кыргыз тарап макулдашылган чек аранын узундугу 1003 чакырым десе, өзбек тарап 701 чакырым деп жатат. Эгерде бул айырмачылык боюнча орток пикир табылса, анда келишим долбоору кол коюуга даярдалат.Кыргызстан менен Өзбекстандын чек арасынын узундугу 1400 чакырымга жакын. (AiT)
