Бул тууралуу “Азаттыкка” Борбордук шайлоо комиссиясынын мүчөсү Гүлнара Баатырова билдирди.
“Мыйзамга ылайык, мөөнөт шайлоо өткөрүлгөн күндөн баштап эсептелет. Мурдагы шайлоо 2010-жылы 10-октябрда өткөрүлгөн. Ушуга байланыштуу кийинкисин мурдагы шайлоо өткөрүлгөн айдын биринчи жекшембиси, 4-октябрга белгилөөнү президентке сунуштадык”, - деди Баатырова.
Мыйзам боюнча, шайлоо күнү ага чейин 60 күндөн аз эмес, 75 күндөн көп эмес убакытта белгилениши керек. БШКнын эсебине ылайык, президент 21-июлдан 5-августка чейин бир чечимге келиши ыктымал. (МТо)
