Жыл башында Жалал-Абад облусундa белгисиз бирөөлөр кыргызстандык койчунун 332 коюн Өзбекстанга айдап кирип кетишкен. Өзбекстандын чек арачылары менен сүйлөшүүнүн натыйжасында, өзбек чек арачылары 146 койду кыргызстандык чек арачыларга өткөрүп беришкен. Кийинчерээк дагы 80 кой, үч эчки жана 17 козуну өткөрүп беришти.
Чек ара кызматынын маалымдоосу боюнча, мал уурдоого шектелип үч киши кармалган, бирөө издөөдө. Кармалгандардын экөө кыргызстандык жарандар, бирөө өзбекстандык.(ZKo)
