Казакстанда 21-майдагы митингдерден кийин кармалып, жоопко тартылгандардын саны 50дөн ашты. Өлкөнүн Башкы прокуратурасы билдиргендей, ар кайсы шаарларда кармалган 51 киши административдик жоопко тартылды. Бирок аларга кылмыш иши козголгон жок.
21-майда Казакстандын Астана, Алматы, Атырау, Чимкент жана башка шаарларында ондогон жарандар жердин чет элдиктерге сатылышына каршы митингге чыгышкан. Айрым маалыматтар боюнча, учурда мыйзамсыз митинг уюштурду деген айып менен отуздан ашуун активист камакта отурат.
