НАТОнун Ооганстандагы "Баграм" авиабазасында 12-ноябрда эртең менен болгон жарылуудан үч адам мерт кетти. Дагы 15 киши жараат алды. НАТО өкүлү муну кол салуу деп сыпаттады. Баграм аймагынын губернатору окуянын чоо-жайы иликтенип жатканын билдирди.
Баграмдагы авиабаза Ооганстандагы эң ири аскер жайы болуп эсептелет. Бул жерге мурда да бир канча жолу талиптер кол салышкан. Былтыр декабрдагы чабуулда америкалык алты жоокер набыт болгон.
