Кыргызстандагы АКШ элчисинин орун басары Алан Мельцер Ысык-Көл облусунда орнотулган туристтер үчүн көрсөткүчтөрдү өкмөттүн Ысык-Көл облусундагы ыйгарым укуктуу өкүлү Аскат Акибаевге жана Каракол шаарынын мэри Данияр Арпачиевге өткөрүп берди.
8-декабрдагы жыйында маалым болгондой, АКШ өкмөтү USAID уюму аркылуу Ысык-Көл облусунда 46 туристтик жайлардын көрсөткүч белгилерин, Каракол шаарына 4 туристтик карта жасатты. Жаңы белги жана көрсөткүчтөр Ысык-Көл облусунун конокторуна туристтерге ыңгайлуу атактуу жайларды, Чолпон-Атанын жанындагы байыркы жазууларды, Жети-Өгүз капчыгайын, дунган стилиндеги мечитти, чиркөө, базар, музей жана башка жайларды оңой табууга жардам берет. (AsM)
