Линктер

ишемби, 18-ноябрь, 2017 Бишкек убактысы 01:55

Чүй облусунун аймагында кулап, отуздан ашуун адамдын өмүрүн алган учактын алгачкы "кара кутусу" табылды. Бул тууралуу Ички иштер министрлигинин басма сөз катчысы Бакыт Сеитов билдирди.

Кырсыктын чоо-жайын иликтөө үчүн Эл аралык авиациялык комитеттин адистери да чакырылганы мурдараак кабарланган. Андан тышкары, министрлерден куралган өкмөттүк комиссия иштөөдө. Транспорт прокуратурасы кылмыш ишин козгоп, иликтөөсүн баштаган.

Боинг-747 үлгүсүндөгү Түркиянын жүк учагы 16-январда таңга жуук Чүй облусунун аймагында эл жашаган конушка кулап, отуздан көп адам набыт кетти. Көз жумгандардын төртөө - экипаж мүчөлөрү, калганы - Дача-Суу айылынын тургундары. Арасында балдар да бар. Ондон ашуун киши ооруканада. Жыйырмадан көп турак-жай кыйраган.

Учак Гонконгдон Стамбулга учуп баратып, май куюу үчүн “Манас” аэропортуна конордо кырсыкка кабылган.

17-январь – Кыргызстанда Аза күтүү күнү деп жарыяланды.(SE)

XS
SM
MD
LG