Казакстан президенти Нурсултан Назарбаев Актөбө облусундагы Эмба полигонун ижарага берүү тууралуу Орусия менен түзүлгөн келишимди токтотуу жөнүндөгү токтомду ратификациялаган мыйзамга кол койду.
Мажилистин эл аралык иштер, коргонуу жана коопсуздук комитетинин корутундусу боюнча, Орусияга ижарага берилип келген 300 гектардан ашык жер жана полигондун аймагындагы мүлк Казакстанга өткөрүлүп берилет.
Актөбө шаарынан 200 чакырым алыстыкта жайгашкан Эмба полигону 1960-жылы ачылган.
