Бүгүн Бишкектин Биринчи Май райондук сотунда “Ата Мекен” партиясынын лидери Өмүрбек Текебаев менен мурдагы өзгөчө кырдаалдар министри Дүйшөнкул Чотоновдун соту уланат.
Өткөн жума күнү жарыш сөз кечки саат сегизге чейин жүрүп, Текебаев орус жараны Маевскийдин "пара бердим" деген сөзүнүн эч кандай далили жок экенин билдирди.
Орусиялык жарандар Алексей Модин жана Леонид Маевскийдин көрсөтмөлөрүнүн негизинде козголгон кылмыш иш боюнча Текебаев 1 миллион доллар пара алган, Чотонов аны өткөрүп берген деп соттолууда. Өзүлөрү муну саясий куугунтук деп атап келет.
Кылмыш ишти козгогон Башкы прокуратура саясий себеп жок экенин айткан. (RK)
