Линктер

ЧУКУЛ КАБАР!
27-Октябрь, 2021 шаршемби, Бишкек убактысы 01:13

Кабулдагы жардыруу үчүн жоопкерчиликти "Талибан" алды


Кабулдагы Борбордук банктын бөлүмүнүн кире бериши.

Ооганстандын баш калаасы Кабулда 29-августта болгон жардырууда беш киши мерт кетип, жарадарлардын саны сегизге жетти. Жардырууну жанкечти ишке ашырганын ооган полициясы маалымдады.

Ички иштер министрлигинин маалымат катчысы Нажиб Даниш окуя калаанын чок ортосунда, АКШ элчилигин имаратынан 500 метр алыстыкта жайгашкан Кабулдун Борбордук банкынын бөлүмүндө болгонун билдирди.

Калаба үчүн жоопкерчиликти "Талибан" кыймылы өз мойнуна алып, алардын максаты банктан айлык-маянасын алып жаткан коопсуздук кызматынын өкүлдөрүн жок кылуу болгонун билдирди.

25-августта Кабулдагы шиилердин мечитине жасалган чабуулдан 28 киши набыт болуп, 50дөн ашыгы жарадар болгон. Ал кол салуу үчүн жоопкерчиликти "Ислам мамлекети" радикал уюму алган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG