Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 00:15

Генерал Чотбаев катышкан жол кырсыгында эки адам каза болду


Чүй облусундагы Бишкек-Торугарт жолунун 40 чакырымында орун алган автокырсыктан эки адам каза болду. Бул тууралуу “Азаттыкка” Патрулдук милициядан кабарлашты.

Маалыматка ылайык, кырсыкта “Тойота Ленд Крузер” жана “Мазда” үлгүсүндөгү унаалар кагышкан. Андан “Маздадагы” эки жүргүнчү мүрт кеткен. Дагы беш адам ооруканага жаткырылып, бир адамдын абалы өтө оор экени кабарланды.

“Тойота Ленд Крузер” жол тандабасын Улуттук гвардиянын мурдагы кол башчысы, генерал Абдыгул Чотбаев башкарып бараткан. Ал учурда ооруканада.

Патрулдук милициянын маалыматы боюнча, кырсыкка “Мазда” үлгүсүндөгү унаанын жолдун каршы тилкесине чыгып кеткени себеп болгон.

Учурда кырсыктын себептери жана башка жагдайлары аныкталууда. (BkA)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG