НАСАнын астронавты Пегги Уитсон Эл аралык космос станциясында рекорддук мөөнөт - тогуз ай жүрүп, 3-сентябрда Жерге кайтып келди. Уитсон, орусиялык космонавт Федор Юрчихин жана НАСАнын дагы бир астронавты Жэк Фишерди ташыган “Союз” капсуласы Казакстанга конду. Бардыгы болуп америкалык астронавт үч жолу космоско аттанган. Орбитада 655 күн өткөрүп, Уитсон америкалык астронавттар жана аял-астронавттар арасында рекорд койду.
Эл аралык станцияда ушул тапта үч астронавт ишин улантууда. Аларга 12-сентябрда дагы үчөө кошулмакчы.
