Линктер

ЧУКУЛ КАБАР!
18-Октябрь, 2021 дүйшөмбү, Бишкек убактысы 14:34

"Акыйкат шайлоо үчүн" кыймылы шайлоо коопсуздугун талкуулоодо


"Акыйкат шайлоо үчүн" кыймылынын алгачкы жыйыны

Бишкекте өтүп жаткан жыйынында аталган кыймыл шайлоо алдындагы өнөктүк жана добуш берүү учурундагы коомдук тартипти сактоо, коопсуздукту камсыздоо маселесин кароодо. Уюштуруучулардын белгилөөсүндө, бул маселе бүгүнкү күнү коомчулукта кызуу талкууланып жаткан көйгөйлөрдүн бири.

Жыйынга жарандык коом өкүлдөрү, белгилүү коомдук ишмерлер, БШК мүчөлөрү катышууда.

Ал алгач "Таза шайлоосуз таза коом жок" деп аталып, талкуулардан кийин “Акыйкат шайлоо үчүн” деп өзгөртүлгөн жарандык кыймыл сентябрдын башында түзүлгөн.

Аны түзүү меморандумуна экс-президент Роза Отунбаева, легендарлуу парламенттин төрагасы Медеткан Шеримкулов, Жогорку Кеңештин мурдагы төрагалары Абдыганы Эркебаев, Зайнидин Курманов, мурдагы премьер-министрлер Апас Жумагулов, Феликс Кулов, экс-депутат Равшан Жээнбеков баштаган саясатчылар, коомдук ишмерлер жана жарандык активисттер кол коюшкан.

Кыймыл буга чейин бийликке кайрылып, административдик ресурс колдонууга жол бергендерди жазалоону талап кылган.(ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG