Кыргызстанда Бишкек жылуулук электр борборун жаңылоодогу жемкорлук боюнча чыр кайрадан өлкө күн тартибинин башкы сабына чыкты. Жогорку Кеңеш бул маселени талкуулап, жакынкы күндөрү сот жараяны башталганы турат. ЖЭБдин айланасындагы кырдаал саясий абалга кандай таасирин тийгизет жана укуктук маселени саясаттан кантип бөлүүгө болот? “Азаттыктын” талкуусуна Жогорку Кеңештин депутаттары Сайдулла Нышанов, Курманкул Зулушев жана саясатчылар Эдил Байсалов менен Равшан Жээнбеков катышты.