Белградда жекшембиде ашынган улутчул Серб радикал партиясынын ондогон тарапкерлери НАТОнун аба чабуулдарынын 20 жылдыгына карата митингге чыгышты. Алар «Евробиримдик + НАТО = Сербиянын душмандары» деген жазууларды көтөрүп, босниялык сербдердин мурдагы лидери Радован Каражичти өмүр бою эркинен ажыраткан сот чечимин сынга алышты.
Ашынган улутчул Серб радикал партиясын Воислав Сесель жетектейт. Сеселдин өзүн да Эл аралык трибунал адамзатка каршы кылмыштары үчүн күнөөлүү деп таап, соттогон.
НАТО 1999-жылы косоволук албандарды жапырт өлтүрүүгө жооп иретинде Белградга абадан сокку урган.
20-мартта Гаагадагы Эл аралык кылмыш соту босниялык сербдердин мурдагы лидери Радован Каражичти өмүр бою эркинен ажыраткан.