Элеттик кыз-келиндерди спортко кызыктыруу максатында Аялдар спортунун фестивалы башталды. 15-декабрда Нарында башталган өнөктүк Ысык-Көлдө уланып, 19-декабрда Баткенде уюштурулууда.
Фестивалды Жаштар иштери, дене тарбия жана спорт агенттиги Кыргызстандын Кыздар футболу лигасы менен биргеликте “Дени сак эне – дени сак улут” урааны астында өткөрүүдө.
Өнөктүк бүт аймактарда уюштурулуп, 24-декабрда Таласта жыйынтыкталат.
Фестивалдын алкагындагы таймаштар спорттун бир канча түрүнөн өтүп, ага элеттик каалаган кыз-келиндер катыша алат. Иш-чаранын алкагында дарыгерлер спорттун аялдарга пайдасы тууралуу кеп-кеңеш беришет, ийгиликтүү спортчу кыз-келиндер устаттык сааттарды өтүшөт.
