Ысык-Көл жана Нарын облустарынын электр энергиясы үчүн карызы көбөйүп кетти. Буга байланыштуу 24-августтан тартып карызы барлардын жарыгын өчүрүү пландалып жатат. Бул тууралуу «Чыгыш электр» ишканасынын басма сөз кызматы 20-августта билдирди.
Андан алынган маалыматка караганда, бүгүнкү күндө абоненттердин карызы 99,4 миллион сомго жетти. Анын 52,6 миллиону Ысык-Көл, 46,7 миллион сому Нарын облусунун тургундарына тиешелүү.
COVID-19 пандемиясына байланыштуу март айынан тартып өкмөт электр энергиясына карызы барлардын төлөмүн кабыл алууну үч айга токтоткон.
«Чыгыш электр» карыздар убагында төлөнбөсө, күз-кыш мезгилдерине толук даярдык көрүлбөй каларын эскертип жатат. Мекеме абоненттерди райондук электр станциясы, почта, терминалдар жана электрондук капчык аркылуу карызын убагында төлөөгө чакырды. (NT)