Линктер

ЧУКУЛ КАБАР!
16-Январь, 2021 ишемби, Бишкек убактысы 14:29

Бакир уулу: «Бүтүн Кыргызстан» курултайдагы тизмени өзгөрткөн


Турсунбай Бакир уулу.

Жогорку Кеңештин мурдагы депутаты Турсунбай Бакир уулу 26-августта Бишкекте басма сөз жыйынын өткөрүп, «Бүтүн Кыргызстан» партиясынын тизмесине байланыштуу нааразылыгын билдирди. Ал өзүнүн партиядан чыгып кеткени тууралуу маалыматтарды четке какты.

Бакир уулу «Бүтүн Кыргызстан» партиясынын 19-августтагы жыйынында бекитилген тизмеси өзгөрүп кеткенин, өзү башында алдыңкы сапта туруп, бирок кийинчерээк артка жылып калганын, бул мыйзам бузуу болгонун айтты.

«Бүтүн Кыргызстан» партиясынын лидери Адахан Мадумаровго кайрылып, жыйында бекитилген тизме менен шайлоого барууга чакырды. Болбосо сотко кайрыла турганын кошумчалады.

«Бүтүн Кыргызстан» партиясынын лидери Адахан Мадумаров бул айтылгандар боюнча комментарий бере элек. Партиянын өкүлү Айданбек Акмат уулу «Азаттыкка» 19-августтагы жыйында болжолдуу тизме жарыяланганын, лидерге аны өзгөртүүгө убакыт берилгенин билдирди. Анын айтымында, «Бүтүн Кыргызстан» партиясынын 120 кишиден турган акыркы тизмесинде Турсунбай Бакир уулунун ысымы жок.

«Бакир уулу «Бүтүн Кыргызстан» партиясына мүчө болуп кирген эмес. Анын «Эрк» партиясы шайлоодо «Бүтүн Кыргызстан» менен чогуу барышы тууралуу чечим гана кабыл алынган», - деди Айданбек Акмат уулу.

Буга дейре Турсунбай Бакир уулу жетектеген «Эрк» партиясы алдыдагы парламенттик шайлоого «Бүтүн Кыргызстан» партиясы менен бирге барары жарыяланган.

Кыргызстанда парламенттин жетинчи чакырылышына депутаттарды шайлоо быйыл 4-октябрда өтүшү керек. (NT)

Пикирлерди көрүңүз (50)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG