Линктер

ЧУКУЛ КАБАР!
21-Январь, 2021 бейшемби, Бишкек убактысы 05:27

Жээнбеков: Шайлоону ачык-айкын өткөрөбүз


Сооронбай Жээнбеков.

Президент Сооронбай Жээнбеков эгемендик майрамына карата Бишкекте онлайн форматта өтүп жаткан иш-чарада кыргызстандыктарды куттуктады.

Ал быйылкы майрам жалпы дүйнөнү каптаган пандемия шартында белгиленип жатканын, ошого байланыштуу жыл башында пландалган салтанаттуу иш-чаралар болбой калганын эске салды.

Сооронбай Жээнбеков коронавирус пандемиясы Кыргызстанды чоң сыноого туш кылганын, бирок ага каршы күрөш тынбай улантылып жатканын, апааттан кутулуу мамлекеттик бийликтин аракетинен гана эмес, коомдун биримдигинен жана жоопкерчилигинен көз каранды экени ачыкка чыкканын белгиледи.

«Биздин саламаттык сактоо системабыз менен экономикалык дараметибиз гана эмес, элибиздин ынтымагы да чоң сыноодон өттү. Саламаттык үчүн болгон кармашта элибиз өзүнүн сабырдуулугун жана кайрымдуулугун көрсөттү. Биздин элде «алам» дегенден «жардам берейин» дегендер көп экенин көрдүк. Дээрлик бардыгыбыз жардамга муктаждарга колубузду сундук».

Сооронбай Жээнбеков азыркы күндө илдет толук жеңилбегенин, бирок басаңдаганын, кырдаал дагы эле кооптуу экенин айтты. Ал пандемияны ынтымак менен жеңүүгө чакырды. Алдыдагы «парламенттик шайлоону ачык-айкын өткөрөбүз» деп белгиледи.

31- август - Кыргызcтандын эгемендик күнү Бишкектеги «Ала-Тоо» аянтында өтүп жатат. Майрам президенттин куттуктоосу менен башталды. Эпидемиологиялык абалды эске алуу менен саат 10до башталган иш-чара онлайн форматта 11ге чейин болот. Майрамдык иш-чараны өкмөттүк каналдар түз көрсөтүүдө.

Иш-чара 22:00дө «Ала-Тоо» аянтында майрамдык салют менен аяктайт.

Кыргызстан 1991-жылы СССРдин курамынан бөлүнүп, өз алдынча мамлекет болгон. Ошол жылы 31-август өлкөнүн эгемендик күнү деп жарыяланган. (NT)

Пикирлерди көрүңүз (20)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG