Кыргызстанда Борбордук шайлоо комисссиясы «Бүтүн Кыргызстан» партиясын парламенттик шайлоого каттоодон баш тартты. Буга партия ичиндеги карама-каршылык, курултай өткөрүүдө эреже бузганы себеп катары айтылды. Бирок партия мындай чечим бийликтин атайын кийлигишүүсү менен кабыл алынганын айтып, нааразычылык билдирүүдө. Учурдагы бийликке оппозициячыл партияны каттабоо боюнча БШКнын акыркы чечими канчалык негиздүү жана өлкөдөгү коомдук саясий абалга кандай таасирин тийгизет? Бул суроону «Эксперттер талдайт» берүүсүндө талкуулайбыз. Талкууга «Бүтүн Кыргызстан» партиясынан шайлоого аттанган, Коопсуздук кеңешинин катчысынын орун басары Өмүрбек Суваналиев, БШКнын мүчөсү Абдыжапар Бекматов, Башкаруу академиясынын ректору Алмазбек Акматалиев жана дипломат, аналитик Аскар Бешимов катышты.