Линктер

ЧУКУЛ КАБАР!
1-ноябрь, 2020 жекшемби, Бишкек убактысы 07:22

Кара-Суу мэриясы «Мекенчил» партиясына борбордук аянтта жыйын өткөрүүгө уруксат берген жок


Кара-Суунун борбордук аянтындагы курулуш техникасы.

«Мекенчил» партиясынын Кара-Суу шаарынын борбордук аянтында эл менен 21-сентябрга белгиленген жолугушуусуна мэрия уруксат берген жок. Бул тууралуу партиянын өкүлү Төлөгөн Келдибаев билдирди:

«Биз алдын-ала маалымдама жөнөткөнбүз. Бирок уруксат бербей коюшту. Прокуратурага кайрылдык. Бир канча талаш-тартыштан кийин шаардык паркта жыйын курууга уруксат беришти».

Келдибаевдин айтымында, мэрия борбордук аянтка курулуш техникасын алып келип койгон. Ал муну тастыктаган сүрөттөрдү «Азаттыкка» жөнөтүп, жергиликтүү бийликтин үгүт иштерине бут тосуу аракети катары баалады.

Шаар мэри Адыл Лолобаев партиядан маалымдама 18-сентябрда келгенин бышыктап, аянтта жер астындагы суу куурларын оңдоо иштери пландалгандыктан, жыйынды башка жакта өткөрүү сунушу айтылганын билдирди.

«Анүстүнө аянттын жанында мектеп бар. Шайлоо мыйзамдарына ылайык, билим берүүчү жайларга жакын жерде үгүт иштери уюштурулбашы керек», - деди Лолобаев.

Мэр башка партияларга да ушундай талап коюларын айтты.

Кыргызстандын 120 орундуу Жогорку Кеңешинин депутаттарын шайлоо 4-октябрда өтөт. Ага 16 партия катышууда. Бир айлык үгүт иштери 4-сентябрда башталган. (SE)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG