Линктер

ЧУКУЛ КАБАР!
26-Январь, 2021 шейшемби, Бишкек убактысы 04:22

ЖАМК Исаковдун башка колонияга которулганы боюнча түшүндүрмө берди


Сапар Исаков музей жана ипподром иши боюнча сотто. 2019-жыл.

Жаза аткаруу мамлекеттик кызматы (ЖАМК) мурдагы мурдагы премьер-министр Сапар Исаков №8 түзөтүү колониясынан №27 түзөтүү колониясына которулганы боюнча маалымат таратты.

Билдирүүдө «Жаза аткаруу кодексинин 72-беренесинин («Белгилүү бир мөөнөткө эркинен ажыратуу жана өмүр бою эркинен ажыратуу түрүндөгү жаза өтөөчү жерлер») 5-бөлүмүнө («Кылмышка кошо катышкан соттолгондор эркиндигинен ажыратуу түрүндөгү жазаны өтөө үчүн жаза өтөөчү ар кандай жерлерге жиберилет») ылайык, соттолуучу Сапар Исаков жазасын өтөөсүн улантуу үчүн Молдовановка айылындагы №27 колонияга 23-сентябрда которулду» деп жазылат.

Буга чейин жактоочу Замир Жоошев мурдагы өкмөт башчынын башка колонияга которулганын камактагы адамга басым көрсөтүүнүн бир ыкмасы катары баалаган.

2018-жылы камакка алынган Сапар Исаков Бишкек Жылуулук электр борборун, Улуттук тарых музейин оңдоого жана Чолпон-Атадагы ипподромду реконструкциялоого байланышкан кылмыш иштери боюнча айыпталган. Ал күнөөнү моюнга албай, муну саясий куугунтук катары баалап келатат.

Быйыл 9-июнда Бишкектин Биринчи май райондук соту аны Жазык кодексинин 319-беренесинин («Коррупция») негизинде жалпысынан 18 жылга эркинен ажыратып, 247 650 281 сом айып салган. Айрым иштери боюнча соттук териштирүү уланууда.

Исаков алгач Улуттук коопсуздук боюнча мамлекеттик комитеттин убактылуу кармоочу жайына киргизилген. Андан кийин №1 тергөө абагына, №8 түзөтүү колониясына которулган. (TSh)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

Сунуш кылынган арга.

XS
SM
MD
LG