Линктер

ЧУКУЛ КАБАР!
27-Сентябрь, 2021 дүйшөмбү, Бишкек убактысы 13:21

Өкмөттүн кызматкерлери коомчулукка кайрылуу жасады


Өрттөлгөн Ак үй. 6-октябрь, 2020-жыл.

Өкмөттүн мүчөлөрү мыйзамдарды сактоого чакырып, Кыргызстандын жарандарына кайрылышты. 6-октябрда чыккан кайрылууда алар мамлекеттик жана жергиликтүү бийликтин үзгүлтүксүз ишин, коомчулуктун коопсуздугун, экономикалык туруктуулукту камсыз кылуу жана ишкерликти улантуу үчүн мыйзамдарды сактоого чакырган.

"Өз кезегинде биз өзүбүзгө жүктөлгөн милдеттерибизди аткарууну улантабыз" деп жазылган кайрылууда.

Өкмөттүн басма сөз кызматы өкмөт толук курамы менен, премьер-министр өз ордунда иштеп жатканын маалымдады.

Бүгүн түшкө чейин өкмөт өзгөчө режимде иштеп жатканы кабарланган.

5-октябрда парламенттик шайлоонун жыйынтыгына нааразы болгон партиялардын тарапкерлеринин мөөнөтсүз митинги массалык башаламандык менен коштолду.

6-октябрда митингчилер парламент менен президент отурган имаратты, Өкмөт үйүн, УКМКнын имаратын басып алышты. Бир катар күч кызматтарынын жетекчилери алмашканы кабарланды. Талас, Нарын, Ысык-Көл облустарындагы өкмөттүн өкүлдөрү кызматтан кетүү тууралуу арызын жазышты. Ала-Тоо аянтында оппозициячыл партиялардын митинги уланууда.

Парламенттик шайлоонун жыйынтыктарына нааразы партиялар 5-октябрда мөөнөтсүз митингге чыкканын жарыялашкан. Сегиз саясий партия координацияык кеңеш түзүшкөн.

6-октябрь күнү түштөн кийин Борбордук шайлоо комиссиясы 4-октябрдагы шайлоонун жыйынтыгын жокко чыгарган.

Президент Сооронбай Жээнбеков 6-октябрда "YouTube" аркылуу видео кайрылуу жасап, соңку окуяларды шайлоонун шылтоосу менен бийликти басып алуу аракети катары баалады. (ZKo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG