Линктер

ЧУКУЛ КАБАР!
16-Январь, 2021 ишемби, Бишкек убактысы 23:37

ИИМ: Бишкектеги кырдаал көзөмөлдө


6-октябрь, 2020-жыл. Бишкек

Ички иштер министрлигинин (ИИМ) басма сөз кызматы кабарлагандай, бүгүн, 6-октябрь күнү кечке жуук, ички иштер министринин милдетин аткарып жаткан Курсан Асанов Бишкек шаардык ички иштер башкармалыгынын курамы менен жолугуп, коомдук коопсуздукту сактоону тапшырды.

Координациялык кеңештин маалыматына караганда, борбор калаа Бишкекте талап-тоноочулукка жол бербөө максатында саясий партиялардын мүчөлөрүнөн жана ыктыярчы жаштардан турган топтор ири соода борборлорун, банк, кафе-ресторандарды, дүкөндөрдү кайтарууга алышты.

Координациялык кеңештин мүчөсү Жанар Акаев кырдаалга ар бир саясий партиянын лидери, жаштар кыймылдарынын жетекчилери жоопкерчилик менен көзөмөл кыларын "Азаттыкка" билдирди.

Буга чейин социалдык тармактарда Бишкектеги дүкөндөргө, банк филиалдарына кол салуу болгону тууралуу маалыматтар тараган.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG