Линктер

ЧУКУЛ КАБАР!
27-Сентябрь, 2021 дүйшөмбү, Бишкек убактысы 19:25

Назарбаевди быйтыкчаларга түшүргөн автор токмоктон каза болду


Сабит Сырахан (Bisen) Казакстандын Елбасы Нурсултан Назарбаевди тарткан быйтыкча.

Алматыда Казакстандын мурдагы президенти Нурсултан Назарбаевди сүрөттөгөн быйтыкчалардын автору, дизайнер Сабит Сырахан (Bisen) ур-токмоктон улам каза болду. Бул тууралуу жекшемби күнү анын тааныштары билдиришти.

«Бисен эми биз менен эмес! Досумду тепкилеп кетишти! Айбандар! Бир соо жерин калтырышпаптыр! Аны бут кийиминен тааныдык», – деп жазды маркумдун досу, рэпер Бекболат Кайдаров «Instagram» баракчасына.

Алматы шаардык полиция департаменти кылмышка шектүү катары Сарыхандын сүйлөшкөн кызынын агасы кармалганын билдирди. Мекеменин маалыматына караганда, шектүү суракка алынып, күнөөсүн мойнуна алды. Азыр ал убактылуу кармоочу жайда камакта.

«18-октябрга караган түнү короолордун биринде белгисиз адамдар урушуп, мушташа баштаганы тууралуу билдирүү келип түшкөн. Алардын бирөө жыгылып калган, экинчиси качып кеткен. Келген «Тез жардам» кызматкерлери жерде жаткан киши каза болуп калганын айтышты», – деп жазылган департаменттин билдирүүсүндө.

31 жаштагы Сырахандын башка белгилүү эмгектеринин арасында «Нурсултандын көзү» аттуу логотип бар. Сырахан мындан тышкары популярдуу streetwear брендинин дизайнери болуп эсептелет.

2019-жылы президенттиктен кеткен Нурсултан Назарбаев көптөгөн ыйгарым укуктарын сактап калган. «Елбасы» титулу анын ар-намысына шек келтирген же сүрөтүн кордогон адамдарды кылмыш жоопкерчилигине тартууга мүмкүндүк берет.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG