Линктер

ЧУКУЛ КАБАР!
15-Январь, 2021 жума, Бишкек убактысы 21:32

Курсан Асанов чогултулган кол тамгаларды БШКга тапшырды


Курсан Асанов.

Борбордук шайлоо комиссиясынын (БШК) маалыматына караганда, Курсан Асанов 3-декабрда күрөө үчүн 1 миллион сом да төктү.

Президенттик шайлоого катышарын билдирип, БШКга кайрылган талапкерлер бүгүн, 3-декабрдын акыркы мүнөтүнө чейин өздөрүнүн талапкерлигин жактаган шайлоочулардын колу коюлган баракчаларды Боршайкомго тапшырууга жана шайлоого 1 миллион сом күрөөнү депозиттик эсепке которууга тийиш.

БШК бүгүн, 3-декабрда президенттик жарышка катышарын билдирген 6 адам талапкерлигин алды. Арасында экс-депутат жана экс-омбудсмен Турсунбай Бакир уулу да бар. Акыркы маалыматтар боюнча, учурда президенттик жарышка катышууну көздөгөн 36 адам бар.

БШКнын басма сөз кызматы маалымдагандай, кол коюлган баракчаларды тапшыруу мөөнөтү 3-декабрдын соңунда аяктайт. Чогулган кол тамгалар 30 миңден кем эмес, 60 миңден көп эмес өлчөмдө болушу керек. 4-декабрдан тартып БШК тизмедеги коюлган колдордун аныктыгын текшерип чыгат. Он күн аралыгында талапкерлерди каттоо жүргүзүлөт.

15-декабрдан 9-январга чейин шайлоого үгүт иштерин жүргүзүүгө уруксат берилет.

Кыргызстандын президентин мөөнөтүнөн мурда шайлоо 10-январда болот. (ZKo)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG