Линктер

ЧУКУЛ КАБАР!
7-Март, 2021 жекшемби, Бишкек убактысы 18:13

COVID-19: Орусияда жапырт эмдөө башталды


Орусияда "Спутник V" вакцинасы менен жапырт эмдөө башталды.

Орусияда соңку бир күндө коронавирус дагы 29 миңден ашык адамдан аныкталды жана пандемия маалындагы кезектеги антирекорд болуп калды. Ооругандардын саны боюнча Москва шаары дале алдыда. Ыкчам штабдын билдиришинче, өпкөнү сезгенткен илдеттен бир күндө 457 бейтап көз жумду.

Ал арада Орусияда "Спутник V" вакцинасы менен жапырт эмдөө башталды. Ага ылайык, 5-декабрдан тартып Москвада алгач медицина кызматкерлери, мугалимдер жана социалдык тармакта иштегендер эмделет. Региондордо эмдөө алдыдагы апталарда башталат.

Президент Владимир Путин орусиялыктарды жапырт эмдөөнү 2-декабрда тапшырган. Москва шаарынын мэриясы эмдөө башталган биринчи күнү эле беш миңдей ыктыярчы катталганын маалымдады.

Орусия коронавирустан көп жабыркаган өлкөлөрдүн бири жана ооругандардын саны 2,5 миллион адамга чамалап калды. Илдет 43 миңден көп бейтаптын өмүрүн кыйды.

COVID-19га кабылгандар дүйнө жүзүндө 66,6 миллион адамга жетти, 1,5 миллиондон көп киши көз жумду.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG