Линктер

ЧУКУЛ КАБАР!
24-Сентябрь, 2021 жума, Бишкек убактысы 11:45

Максат Мамытканов чек арага барды


Вице-премьер-министр Максат Мамытканов (ортодо) кыргыз-тажик чек арасында. Баткен облусу. 11-декабрь, 2020-жыл.

Вице-премьер-министр Максат Мамытканов Баткен облусуна иш сапарынын алкагында өзгөчө макамы бар чек ара аймактарынын абалы менен таанышты. Вице-премьер Лейлек жана Баткен райондорундагы чек ара бекеттерин кыдырды. Жыйынтыгында Максат Мамытканов тиешелүү кызматтарга мамлекеттик чек араны коргоо жана коопсуздугун камсыздоо боюнча чараларды көрүүнү тапшырды.

Вице-премьер-министр Баткенде милиция кызматкерлери менен да жолугуп, аймакта мыйзамдуулукту камсыз кылуу жана кылмыштуулукка каршы күрөштү күчөтүүнү тапшырды.

«Чек ара аймактарында жарандардын коопсуздугун камсыз кылуу үчүн бардык чараларды көрүү керек», - деди вице-премьер-министр.

Максат Мамытканов сапар алкагында чек ара аймактарына курулуп жаткан социалдык мекемелерди кыдырып, Лейлек районунун Кулунду айылындагы бала бакчанын курулушу менен таанышты. Вице-премьер курулуштардын сапатын жакшыртуу менен мөөнөтүндө бүтүрүүнү тапшырды. Мындан тышкары ал аймакты электр энергиясы менен үзгүлтүксүз камсыздоо маселесин көтөрдү.

Сапар соңунда вице-премьер-министр чек арада жашаган эл менен жолугуп, мамлекеттик программадагы бардык милдеттенмелер толук ишке ашарын убада кылды.

Баткен облусу 1999-жылы, 12-октябрда Ош облусунун курамынан бөлүнүп, өзүнчө облус болуп түзүлгөн. Өзбекстан жана Тажикстан менен чектешет. (ZKo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG