Линктер

ЧУКУЛ КАБАР!
26-Январь, 2021 шейшемби, Бишкек убактысы 14:28

Чек ара кызматы: Казакстандык режиссёрлор Кыргызстанга кире элек


Бишкектеги кинотеатрлардын бири. Иллюстрациялык сүрөт.

Бишкекте өтүп жаткан кинофестивалга катышуу үчүн Кыргызстанга келе жаткан казак режиссёрлору Казакстандын чек арасынан өтө элек. Бул тууралуу Мамлекеттик чек ара кызматынын басма сөз катчысы Гүлмира Бөрүбаева «Азаттыкка» билдирди. Анын айтымында, казак жарандары Кыргызстанга эч кандай тоскоолдуксуз кире алышат.

«Казакстандык жети кинорежиссёр Кыргызстандын чек арасында кармалып турушканы жөнүндө маалымат чындыкка дал келбейт. Алар Казакстандын аймагында турушат. Кыргызстандын аймагына кире элек. Казак жарандары тек-жайын тастыктаган документтери жана коронавирус менен оорубаганы тууралуу ПЧР анализи менен биздин өлкөгө эч кандай тоскоолдуксуз кире алышат», - деди ал.

Казакстандык кинорежиссёрлор КМШ мамлекеттеринин жаш киночуларынын VIII «Үмүт» форумуна катышуу үчүн Бишкекке келе жатышкан. Жети режиссёр чек арадан өтө албай турушканын форумдун уюштуруучуларынын бири, кино таануучу Гүлбара Төлөмүшова басма сөз жыйынында билдирген. Анын айтымында, чек арадан өтө албай турган режиссёрлордун бири мүмкүнчүлүгү чектелүү адам.

22-декабрда Кыргызстанда КМШ мамлекеттеринин жаш киночуларынын VIII «Үмүт» форуму башталат.Форумдун ачылыш аземи 22- декабрда саат 11:00 дө «Ала Тоо» кинотеатрынын чоң залында өткөрүлөт. Ачылышта казакстандык режиссёр Шарипа Уразбаеванын «Мариям» толук метраждуу тасмасы көрсөтүлөт. (ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG