Линктер

ЧУКУЛ КАБАР!
3-Август, 2021 шейшемби, Бишкек убактысы 01:43

Кочкор районунда төрт киши иске ууланып каза болду


Иллюстрациялык сүрөт.

Нарындын Кочкор районунда иске ууланып төрт киши каза болду. Окуя болжол менен 19-декабрга караган түнү болгон. Жалпысынан беш киши ууланып, анын кесепетинен жаш келин үч кызы менен кошо көз жумган. Ал эми беш жаштагы бала ооруканага жаткырылган. Аман калган беш жаштагы баланын абалы жакшы.

Баштапкы маалыматтар боюнча алар көмүрдөн чыккан иске ууланышкан.

Нарын облустук милициясы бул маалыматты ырастап, райондук бөлүмгө маркум келиндин агасы кайрылганын билдирди. Милициянын маалыматына ылайык, маркумдарды текшергенде күч колдонулганы аныкталган эмес. Учурда тиешелүү экспертизалар дайындалдып, териштирүү иштери жүргүзүлүп жатат.

Каза болгон келин 1982-жылы туулган, калгандары 11, тогуз жана жети жаштаган кыздар экени аныкталган. Күбөлөрдүн айтымында, маркум балдарын жалгыз өзү бакчу. Ал балдары менен Теңдик айылында жашаган. (BsB)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG