Линктер

ЧУКУЛ КАБАР!
16-Сентябрь, 2021 бейшемби, Бишкек убактысы 21:29

Бактыбек Рысалиев: Жапаров инаугурациядан кийин өкмөт башчылыкты тапшырат


Садыр Жапаров.

Садыр Жапаровдун президенттик шайлоодо жеңгени расмий жарыяланса, ал өкмөт башчылык кызматка кайтпай, инаугурацияны күтөт. Мамлекет башчы катары ант берген соң өкмөт башчылыкты расмий тапшырат. Бул тууралуу өкмөттүн маалыматтык камсыздоо бөлүмүнүн башчысы Бактыбек Рысалиев «Азаттыкка» билдирди.

Садыр Жапаров 2020-жылдын октябрындагы парламенттик шайлоодон кийинки нааразылыктын коштоосундагы бийлик алмашуудан кийин өкмөт башчы жана президенттин милдетин аткаруучу болуп иштеген. Андан соң президенттик шайлоого талапкерлигин коюп, кызматтарды тапшырган.

Учурда өкмөт башчынын милдетин биринчи вице-премьер министр Артем Новиков, президенттин милдетин Жогорку Кеңештин спикери Талант Мамытов аткарууда.

Соңку расмий маалыматтарга караганда, 10-январда 17 талапкер катышкан президенттик шайлоодо Садыр Жапаров 79% көбүрөөк добуш алды.

Президенттик шайлоодо утуп чыккан талапкер Борбордук шайлоо комиссиясы шайлоо жыйынтыгын расмий жарыялагандан кийин бир айдан соң кызматка кирише алат.

Борбордук шайлоо комиссиясынын (БШК) төрайымы Нуржан Шайлдабекова расмий жыйынтык добуштар кол менен саналып, бардык арыздар жана талаштуу маселелер сотто каралып бүткөндөн кийин, бир ай аралыгында чыгарыларын билдирген. (SE)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG