Линктер

ЧУКУЛ КАБАР!
23-Сентябрь, 2021 бейшемби, Бишкек убактысы 09:37

2020-жылы Кыргызстандын экономикасы 8,6% төмөндөдү


Улуттук статистика комитетинин басма сөз жыйыны. Акылбек Султанов солдон үчүнчү. Бишкек. 14-январь, 2021-жыл.

2020-жылдын январь-декабрь айларында Кыргызстандын ички дүң өнүмү (ИДӨ) 598 миллиард сомду түзүп, 2019-жылга салыштырмалуу 8,6% артка кетти. Бул тууралуу 14-январда Улуттук статистика комитетинин төрагасы Акылбек Султанов мекеменин баштапкы эсептерине таянуу менен кабарлады.

«Кумтөр» кен казуу ишканаларын эске албаганда ИДӨнүн 12 айдагы көрсөткүчү 9% артка кетип, 530 млрд. сом болду.

Жалпы көрсөткүчтүн ичинен курулуш (15,6%), дүң жана чекене соода (16,1%) жана өнөр жайы (6,6% ) артка кетти.

ИДӨ - өлкөдө өндүрүлгөн товарлардын жана кызмат көрсөтүүнүн көлөмү. Ал экономиканын эң негизги көрсөткүчү катары каралат.

Өкмөт Кыргызстандын ички дүң өнүмү алгач 2020-жылга 5% өсөт деп божомолдогон. Коронавирус пандемиясына байланыштуу көрсөткүчтөр кайра каралгандан кийин, тескерисинче 6,8-7 % артка кетет деп расмий эсептелген.

Азия өнүктүрүү банкы 2020-жылы Кыргызстандын экономикасы 10% чейин төмөндөй турганын эскерткен. Евразия өнүктүрүү банкы (ЕӨБ) төмөндөө 7,5% болот деп баалаган.

Улуттук статистика комитетинин баштапкы эсебинде 2019-жылы Кыргызстандын ИДӨсү 590 млрд. сомдон ашкан. Көрсөткүч 2017-жылы 530 млрд. сомдон, 2018-жылы 569 млрд. сомдон жогору болгону такталган. (ErN)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG