Линктер

ЧУКУЛ КАБАР!
3-Август, 2021 шейшемби, Бишкек убактысы 04:58

Шайлоого карата каттоосун жапырт алмаштыргандардын көйгөйү парламентте көтөрүлдү


Иллюстрациялык сүрөт.

2020-жылы жергиликтүү шайлоого карата катталган дарегин жапырт алмаштырган адамдар документин кайра тууралай албай убара тартып жатышканы боюнча маселе 4-февралда Жогорку Кеңештин жалпы жыйынында көтөрүлдү.

Депутат Самат Исманов өкмөттү аларга жардам берип, алмаштырган каттоосунан чыгууга жана кайра катталууга жеңилдик берүүгө чакырды:

“Миңдеген адамдар убактылуу деп катталышкан. Эми ошол жарандар каттоодон чыга албай, жыл сайын алуучу пенсия, жөлөкпул, жада калса үлүш жерлеринен айрылып калуу коркунучу болуп жатат. Тааныбаган адамдарды үйүнө каттоого тургузуп алгандар аларды чыгара албай жатышат. Коммуналдык тейлөө акысы көбөйүп, чоң проблема жаралууда. Каттоодон өз алдынча чыгайын десе көбүндө техникалык паспорт жок. Буга айрым партиялар күнөөлүү, бирок алар жоопкерчиликти моюнуна алган жок”.

Былтыр апрелде Кыргызстанда беш шаардык, 25 айылдык кеңештин депутаттарын шайлоо болмок. Балыкчы, Каракол, Майлуу-Суу, Ош жана Токмок шаар кеңештерине 22 саясий партия ат салышары кабарланган. Бирок коронавируска байланыштуу абалдан улам бул өнөктүк убактылуу токтотулган.

Февраль айында Ош, Токмок жана Каракол шаарларына жакын аймактарда адамдардын жапырт каттоого турушу байкалган. Муну шайлоого катышууну пландаган айрым саясий партиялар добуш сатып алуу үчүн уюштурганы айтылган.

Башкы прокуратура буга байланыштуу сотко чейинки өндүрүш баштаган. (RK)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG