Линктер

ЧУКУЛ КАБАР!
21-Сентябрь, 2021 шейшемби, Бишкек убактысы 02:58

УКМКнын төрагасы Ташиев четке дарыланууга кетерин билдирди


Улуттук коопсуздук мамлекеттик комитетинин төрагасы Камчыбек Ташиев, 3-февраль, 2021-жыл.

Улуттук коопсуздук мамлекеттик комитетинин төрагасы Камчыбек Ташиев 6-февралдан тарта чет өлкөгө дарыланууга кетип жатканын билдирди. Бул тууралуу Ташиев "Фейсбуктагы" баракчасына жазды.

“Мен 6-февралда эртең менен дарыланууга чет жакка бара жатам. Себеби биздин врач, профессор Калдарбек Абдрамановдун сунушу менен барууга мажбур болуп турам” -деген УКМКнын төрагасы элдин келечеги үчүн "бүт өмүрүмдү арноого милдеттүүмүн" деп жазды.

Ташиев дарылануу үчүн кайсы өлкөгө кетип жатканын жана дарты эмне экенин тактаган жок. Ал буга чейин дагы сыркоолоп, ооруканага жатып чыкканын жазган эле. Анда УКМК Ташиевдин ден соолугу канааттандыраарлык экенин билдирген болчу.

52 жаштагы Камчыбек Ташиев былтыр октябрдан бери УКМКнын төрагасынын кызматын аркалайт. Ал ушул аптада түзүлгөн жаңы өкмөттө өз ээлеген ордунда калып, парламентте ант берди.

Пикирлерди көрүңүз (36)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG