Линктер

ЧУКУЛ КАБАР!
21-Сентябрь, 2021 шейшемби, Бишкек убактысы 00:13

Садыр Жапаров сүрөтүн мамлекеттик имараттарга илбөөгө чакырды


Президент Садыр Жапаров

Президент Садыр Жапаров өзүнүн портретин мамлекеттик имараттарга, кызматтык иш бөлмөлөрүнө илбөөнү сунуштап жатат. Бул тууралуу 8-февралда президенттин басма сөз катчысы Галина Байтерек билдирди:

"Президент Садыр Жапаров азыркы тапта өзүн атуулдардын жашоосун жакшыртуу үчүн эмгек кыла элекмин деп эсептейт. Ошондуктан президент бардык мамлекеттик органдарга портретин илбөөнү сунуштап жатат. Портрет илгиси келгендер Жусуп Абдрахманов, Исхак Раззаков сыяктуу өлкөнүн мамлекеттүүлүгүн түптөп, социалдык-экономикалык өнүгүүсүн шарттаган белгилүү инсандардын сүрөтүн илүүнү сунуштайт".

Январдын аягында Президенттин Оштогу резиденциясынын директору Санжарбек Төлөнбаев Садыр Жапаровдун килемге токулган чоң сүрөтүн кабинетине илип алганы социалдык тармактарда кызуу талкууга алынган болчу. Санжарбек Төлөнбаев ал килем С.Жапаров абакта жатканда эле колго согулганын айтып, социалдык тармак аркылуу жооп берген эле.

Кыргызстанда былтыр 4-октябрда өткөн парламенттик шайлоонун жыйынтыгына нааразылык акциясы жапырт тополоңго айланганда 10 жылдык жаза мөөнөтүн өтөп жаткан Садыр Жапаровду тарапкерлери түрмөдөн чыгарган.

10-январдагы шайлоодо С.Жапаров шайлоого катышкандардын 80% жакын добушун алып, президенттикке шайланды. (BCh)

Пикирлерди көрүңүз (26)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG