Линктер

ЧУКУЛ КАБАР!
19-Сентябрь, 2021 жекшемби, Бишкек убактысы 03:21

Түркмөн президенти уулун вице-премьерликке дайындады


Сердар Бердымухамедов. 2018-жылдын 19-майы

Түркмөнстандын президенти Гурбангулы Бердымухамедов 39 жаштагы уулун вице-премьерликке жана Жогорку көзөмөл палатасынын төрагалыгына дайындады. Бул палата каржы-экономикалык маселелерди көзөмөлдөйт. Ошондой эле президент уулу Сердарды мамлекеттик коопсуздук кеңешинин курамына киргизди.

«Азаттыктын» түркмөн кызматы кабарлагандай, Сердар Бердымухамедовду Жогорку көзөмөл палатасынын төрагалыгына дайындаардан мурда аталган мекеменин имаратында оңдоп-түздөө иштери жүргөн. Маалым болгондой ал жакта президенттин уулу эс ала турган терраса курулуп, коңшу жайгашкан карапайым тургундардын турак-жайларын сырдап чыгышкан. Ошондой эле ал үйлөрдүн тургундарына короого машинелерин токтотууга тыюу салынды.

Сердар Бердымухамедовдун саясий карьерасы 2016-жылы башталган. Алгач ал парламент депутаты болуп шайланган. Былтыртан бери ал Өнөр-жай жана курулуш министрлигин жетектеп келген.

Түркмөнстандын маалымат каражаттарында президенттин уулун "элдин уулу" деп аташат. Сердар көп ирет эл аралык жолугушууларга атасынын ордуна барган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG