Линктер

ЧУКУЛ КАБАР!
28-Сентябрь, 2021 шейшемби, Бишкек убактысы 08:35

Бишкекте муниципалдык кризистик борбор ачылды


Бишкекте ачылган жаңы кризистик борбор

Баш калаа Бишкекте үй-бүлөлүк зомбулуктан жабыр тарткандар үчүн алгачкы муниципалдык кризистик баш калка борбору ачылды. Бул тууралуу мэриянын басма сөз кызматы кабарлады.

“Аялзат” деп аталган борборго запкы көргөн бардык аялдар барып, баш калкалай алат.

Анда аялдарга психологиялык, юридикалык жана медициналык жардам боюнча кеңеш берилет.

Борбордун кызматкерлери сот залдарында, укук коргоо органдары менен жолукканда коштоп жүрүшөт.

Эл аралык донорлордун жана эксперттердин колдоосу менен турмуштук оор кырдаалда турган үй-бүлөлөрдү колдоо боюнча ар кандай программалар ишке ашырылат.

Коопсуздук максатында борбордун дареги көрсөтүлгөн эмес.

Башкы прокуратуранын маалыматы боюнча, 2019-жылы 6145 үй-бүлөлүк зомбулук фактысы катталган. 90% ашык учурларда аялдар жабыр тартат. 2020-жылы коронавирустан улам карантин жарыяланган учурда үй-бүлөлүк зомбулуктун саны 62% көбөйгөн.

Бишкекте буга чейин аялдар үчүн бейөкмөт уюмдар ачкан гана башкалка борборлор иштеп келген. (BCh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG