Линктер

ЧУКУЛ КАБАР!
22-Сентябрь, 2021 шаршемби, Бишкек убактысы 09:15

Арменияда оппозицияны колдоочулар өкмөт үйүнө кирип барышты


Армениянын Коопсуздук кеңешинин жыйыны. 2021-жылдын 1-марты.

Армениянын борбору Ереванда премьер-министр Никол Пашиняндын отставкасын талап кылган адамдардын тобу 1-мартта өкмөттүн имаратына кирип барышты. Буга чейин оппозиция парламенттин алдына чатырларды тигип, мөөнөтсүз нааразычылык акцияларын баштаган.

Ошол эле учурда бүгүн - 1-мартта Пашинян өз тарапкерлерине Еревандагы Республика аянтына кайрадан жүрүшкө чакырды.

1-мартта Пашинян төрагалык кылган Коопсуздук кеңеши жыйын өткөрүп, өлкөдөгү соңку окуяларды талкуулады. Ал жыйынга Куралдуу күчтөрдүн Башкы штабынын жетекчиси Оник Гаспарян катышкан жок.

Арменияда өткөн аптадан бери саясий кризис курчуп жатат. 25-февралда Куралдуу күчтөрдүн Башкы штабы премьер-министр Пашиняндын отставкасын талап кылган. Муну аскердик төңкөрүш аракети деп баалаган Никол Пашинян өз тарапкерлерин аянтка чакырган. Ошол эле күнү оппозициянын тарапкерлери да митингге чыгып, чакан кагылыштар орун алган.

Мындан соң Никол Пашинян Куралдуу күчтөрдүн Башкы штабынан жетекчиси Оник Гаспарянды кызматтан алууну президентке сунуштаган. Бирок президент Армен Саркисян Гаспарянды кызматтан алуу жарлыгына кол койбой койду. Бул президент менен премьер-министрдин ортосунда пикир келишпестикти жаратты.

Былтыр күзүндөгү алты апталык согуш Армения, Азербайжан жана Орусия түзгөн үч тараптуу келишимге кол коюлгандан кийин токтогон. Оппозиция ал үчүн Пашинянды күнөөлөп келатат.

Премьер-министр болсо бул кадамга Армениянын кызыкчылыгы үчүн барганын айтып, кызматтан кетүүдөн караманча баш тартууда.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG