Линктер

ЧУКУЛ КАБАР!
13-Апрель, 2021 шейшемби, Бишкек убактысы 11:50

Жапаров: Кыргызстан түрдүү өлкөлөр менен бирге транспорттук коридорлорду өнүктүрүп жатат


Садыр Жапаров.

Кыргызстан түрдүү өлкөлөр менен бирге транспорттук коридорлорду өнүктүрүп жатканын мамлекет башчы Садыр Жапаров Экономикалык кызматташтык уюмунун (ЭКУ) 14-саммитинде сүйлөп жатып айтты.

Президент аталган уюм менен кызматташуу алкагындагы Кыргызстандын көздөгөн багыттарын атап, анын ичинде - транспорт тармагы маанилүү экенин белгиледи.

Жапаров соода, транспорт, коммуникация, энергетика, туризм, экономикалык өсүш, социалдык жыргалчылык жана айлана-чөйрө сыяктуу багыттарда стратегияларды иштеп чыгып, аны ишке ашыруу зарылдыгын билдирди.

«Кыргызстан ЭКУга мүчө өлкөлөр менен бирге Чыгыш-Батыш жана Түндүк-Түштүк транспорттук коридорлорун өнүктүрүүгө катышууда. Бул Борбор Азия өлкөлөрүнө, анын ичинде Кыргызстанга Ирандын аймагы аркылуу ачык деңизге чыгууга мүмкүнчүлүк берет. Мындан тышкары биз ЭКУга мүчө-өлкөлөрдү Европанын жана Кытайдын тышкы базарларына байланыштырган темир жолдун долбоорун илгерилетүүгө өзгөчө маани беребиз. Биз үчүн Кыргызстан, Өзбекстан аркылуу Кытайга чейин жаңы темир жолдун долбоорун ишке ашыруу чоң мааниге ээ», — деди президент.

Жапаров мындан тышкары энергетика, туризм дагы Кыргызстан өнүктүрүүнү көздөгөн багыттар экенин кошумчалады.

Экономикалык кызматташтык уюмунун 14-саммити 4-мартта онлайн форматта өттү. Жыйынга Азербайжан, Иран, Казакстан, Ооганстан, Өзбекстан, Тажикстан, Түркмөнстан, Түркия жана Пакистандын мамлекет башчылары катышты.

Экономикалык кызматташтык уюму - аймактык мамлекеттер аралык уюм. 1985-жылы Борбор Азия жана Жакынкы Чыгыш өлкөлөрүнүн демилеси менен түзүлгөн.(ZKo)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG